මට ඔයා ලඟට වෙලා ඉස්සර වගේ ඉන්න
ඕනේ
ඔව් ............
මට ඉස්සර වගේ ආදරේ කරන්න ඕනේ
ඔයා ලඟින් ඉඳගෙන උරහිසට ඔලුව
තියාගෙන
අපේ අනාගතේ ගැන හීන දකින්න මට ඕනේ
මේ තනිකම අපේ ආදර කතාව ගැන මතක්
කරනවා වැඩියි
මගේ ඇස් දෙකට දකින ආදර වන්තයෝ
අපේ ආදර කතාව මතක් කරලා දෙනවා
වැඩියි
විහාරමහා දේවි පාර්ක් එකේ අපි
ඇවිදගෙන ගිය හැටි
ගෝල්ෆේස් ගිහින් බංකුවක වාඩි වෙලා
අත් අල්ලගෙන..................
වචනයක්වත් නොකියා ඈත මුහුද දිහා
බලාගෙන
හිතින් ආදරේ කරපු හැටි............
කෞතුකාගාරේ බලන්න මාව එක්කගෙන
ගිහින්
ඔයා දන්න දේවල් පණ්ඩිතයෙක් වගේ මට
කියලා දීපු හැටි
දවල්ට ඔයාගේ බත් එකෙන් මට බත් කවපු
හැටි....
මුණගැහිලා කතා කරන්න තැනක් නැතුව
දෙතුන් පාරක්ම දෙහිවල සත්තු වත්ත
බලන්න ගිය හැටි
මේ හැමදෙයක් ම මතක් වෙද්දී.....
මගේ හිත ඊයම් බරු දාහක් එල්ලුවා
වගේ බර වෙනවා
ඒත් මන් අඩන්නේ නෑ.....
ඇඩුවා කියල ඔයා වෙනස් වෙන්නෙවත්
මට අතීතේ ජීවත් වෙන්නවත් බෑ කියල
දන්න නිසා
මන් අඩන්නේ නෑ .............